2020-11-21 414
کەمێک پێش ئێستا لە قەزای بێجی بۆمبێکی چێنراو بە ئۆتۆمبیلێکی مەدەنیدا تەقیوەتەوە و پاش گەیشتنی هێزەئەمنییەکان چەکدارانی داعش دەستڕێژی گولەیان کردووە و شەش ئەندامی هێزەئەمنییەکان کوژراون.
ئاوێنه: بەپێی هەواڵێکی ئاژانسی فرانس پرێس، سەرەتا بۆمبێک بە ئۆتۆمبیلێکی مەدەنیدا تەقیوەتەوە و دوو کەس کوژراون، پاش گەیشتنی سوپای عێراق و حەشدی شەعبی زانراوە کە کردەوەکە کەمینە و تەقە لە هێزەئەمنییەکان کراوە.
بەپێی زانیارییە سەرەتاییەکان لە هێرشەکەدا چوار ئەندامی حەشدی شەعبی و دوو ئەندامی پۆلیس و دوو کەسی مەدەنی کوژراون.
تا ئێستا داعش بەرپرسیارێتی کردەوەکەی لە ئەستۆ نەگرتووە.