وەزیری دەرەوەی ئەمریكا ئەمڕۆ رایگەیاند ئیدارەی ئەمریكا بەردەوام دەبێت لە هەوڵەكانی بۆ بەدیهێنانی ئاشتی لە ناوچەكەدا.

ئاوێنە: مایك پۆمپێیۆ وەزیری دەرەوەی ئەمریكا بۆ كەناڵی العربیە وتی: ئەمریكا هاوپەیمانیەكی پێكهێناوە بۆ مامەڵەكردن لەگەڵ ئێران لە چوارچێوەی ستراتیژی رۆژهەڵاتی ناوەڕاستدا بۆ رێگرتن لە ئێران لە تێكدانی سەقامگیری ناوچەكە.

وتیشی: ئەمریكا بەردەوام دەبێت لە بەرگری لە بەرژەوەندییەكانی و هاوپەیمانەكانی لە ناوچەكە.

لە بارەی رەوشی عێراقەوە وەزیری دەرەوەی ئەمریكا دەڵێت: واشنتن كار دەكات بۆ جێگیركردنی سەقامگیری و عێراقییەكان خواستی خۆیان نیشانداوە كە نایانەوێت لەژێر هەژموونی ئێراندا بن.

رونیشیكردەوە هێزە ئەمریكییەكان لە خاكی عێراق بۆ پشتیوانی حكومەتەكەی مستەفا كازمی هەن.