لە گەرمیان پڵنێگێک شوانێک بریندار دەکات
  2020-11-23       1227       
بەپێی زانیاریەکانی ئاوێنە هاوڵاتیەک لەگوندی گەڵاڵ کەوە بەبرینداری گەینراوەتە نەخۆشانەی شەهید مەلا ئەحمەد لەناحیەی باوەنور بەوتەی بەرپرسانی نەخۆشخانەکە وتویەتی "پڵنگ پەلاماری داوم".

ئاوێنە، ئەیاد محمد، ئارام ئیحسان محمود بەرپرس لەنەخۆشخانەی شەهید مەلا ئەحمەد لەناحیەی باوەنور بەئاوێنەی ڕاگەیاند:"بەیانی ئەمڕۆ هاوڵاتیەکیان بەبرینداری هێنایە نەخۆشانەی شەهید مەلا ئەحمەد لەباوەنور، لەئێستادا خەریکی چارەسەرکردنین شانێک و دەستێکی بریندارە".

وتیشی:"هاوڵاتیەکە ناوی (ع، ک) تەمەنی نزیکەی (30) ساڵە خەڵکی گوندی گەڵاڵ کەوەیە، بەوتەی خۆی ئەڵێت پڵنگ پەلاماری داوم ، لەدۆڵێکدا بیناومە پەلاماری داوم".

ئاوێنە بۆ وەرگرتنی زانیاری زیاتر پەیوەندی بە بەڕێوەبەری پۆلیسی دارستان و ژینگەی گەرمیانەوە کرد و ڕایگەیاند دڵنیانین چ ئاژەڵێکە.

عمید شوان محمەد، بەڕێوەبەری پۆلیسی دارستان و ژینگەی گەرمیان بەئاوێنەی ڕاگەیاند:" لەئێستادا مەفرەزەکانمان لەشوێنی ڕوداوەکەن لێکۆڵینەوە و گەڕان دەستی پێکردوە بەڵام دڵنیانین ئەوەی پەلاماری داوە پڵنگە یان چیە، دڵنیابوینەوە لەوەی کە چیە ڕایدەگەنین".
زۆرترین بینراو
© 2021 Awene Online, Inc. All Rights Reserved.
×