2020-11-25   1480     
یاریدهدهری سهرۆك وهزیرانی كوردستان بۆ كاروباری دارایی ڕایگهیاند، رهوشی دارایی ههرێمی كوردستان، بهرهو دۆخێكی باشتر ههنگاو دهنێت و دەشڵێت، حکومەتی هەرێم بە داهاتی ناوخۆ و نەوتیش ناتوانێت موچە دابین بکات.
ئاوێنه: ڕێباز حەملان، لەچاوپێكەوتنێكدا لەگەڵ میدیاكانی پارتی رایگهیاندوە، به گشتیی رهوشی دارایی و ئابووری ههرێمی كوردستان، عێراق و جیهان به هۆی قهیرانی كۆرۆنا و دابهزینی نرخی نهوتهوه ناجێگیره.
ئاماژەی بەوەشكردووە: " له ههلومهرجی ئهمڕۆماندا دهتوانین بڵێین بهراورد به چهند مانگی رابردوو، كه به هۆی كهرهنتینه و راوهستانی جموجووڵی بازرگانییهوه، داهات زۆر كهمیكردبوو، ئێستا رهوشهكه باشتره و دهتوانین بڵێین سهرچاوهكانی داهاتی ناوخۆیی بووژاونهتهوه."
ناوبراو باسیلەوەشكردووە" بههۆی جێبهجێكردنی یاسای چاكسازی و رێكخستنهوهی داهات، رێژهی داهاتی ناوخۆ بهرز دهبێتهوه و كێشهی بهرچاویش ئهوهیه، قهبارهی خهرجی له ههرێمی كوردستان زۆر گهورهیه."
ڕێباز حەملان بۆ میدیاكانی حزبەكەی ئەوەشی وتووە" جگە لە نەناردنی 320 ملیارەکە، رێككهوتنی عێراق لهگهڵ ئۆپیك زیانی له داهاتی نهوتی ههرێمی كوردستان داوه، بۆ نموونه، كاتێك عێراق پابهند بووه به كهمكردنهوهی ههناردهی نهوت، ئهو پابهندبوونه ههرێمی كوردستانیشی گرتووهتهوه."