2020-11-26 313
ده‌سته‌ی حه‌شدی شه‌عبی له عیراق رایگه‌یاند كه ئه‌مشه‌و هێرشێكی چه‌كدارانی داعشیان له سنوری پارێزگای سه‌لاحه‌دین پوچه‌ڵ كردوه‌ته‌وه.
ده‌سته‌ی حه‌شدی شه‌عبی له به‌یاننامه‌یه‌كدا رایگه‌یاند كه لیوای نۆیه‌می سه‌ربه حه‌شدی شه‌عبی، ئه‌مشه‌و هێرشێكی چه‌كدارانی رێكخراوی داعشی له باكوری پارێزگای سه‌لاحه‌دین شكست پێ هێناوه و چه‌كدارێكی كوشتون.
له به‌یاننامه‌كه‌دا هاتوه كه هێزه‌كانی هه‌مان لیوا به‌رپه‌رچی هێرشێكی دیكه‌ی داعشیان داوه‌ته‌وه كه چه‌كدارانی ئه‌و رێكخراوه له ناوچه‌ی متێبجه له سنوری سه‌لاحه‌دین ویستویانه بیكه‌نه‌سه‌ر هێزه ئه‌منییه‌كان.