هاوپەیمانی نەسر، بەسەرۆكایەتی حەیدەر عەبادی، سەرۆك وەزیرانی پێشوتری عێراق، هەڕەشەی بایكۆتی هەڵبژاردنی پەرلەمانی عێراق دەكات ئەگەر بێتو پاك و بێگەرد نەبێ.
ئاوێنە: هاوپەیمانییەكە، ئەمڕۆ هەینی، لە راگەیەندراوێكدا وتویەتی، ئەگەر بنەماكانی پاكی و دادپەروەری لە هەڵبژاردنی پەرلەمانی عێراقدا رەچاو نەكرێن و پشت بە شێوازەكانی ساختەكاری و سەپاندنی ئیرادە ببەسترێت وەك ئەوەی لە هەڵبژاردنەكانی 2018دا رویدا، ئەوا بایكۆتكردنی هەڵبژاردنەكان بژاردەیەكی پێشنیاركراوە.
هاوپەیمانی نەسر دروشمی "هەڵبژاردنێكی پاك ئەگەرنا نەكردنی" بەرزكردۆتەوە.
بەپێی ئەو وادەیەی لەلایەنی حكومەتی عێراقەوە دیاریكراوە، بڕیارە رۆژی 6ی حوزەیران هەڵبژاردنی پێشوەخت لە عێراق بەڕێوەبچێت.