کازمی داوا له‌ وه‌زیری دارایی ده‌كات پڕۆژە یاسای بودجەی 2021 رەوانەی ئەنجومەنی وەزیران بکات
  2020-11-30       191       

سەرۆک وەزیرانی عێراق داوای لەهەردو وەزیری دارایی و پلاندانان کرد بەزوترین کات پڕۆژە یاسای بودجەی  ساڵی 2021 رەوانەی ئەنجومەنی وەزیران بکرێت بەمەستی وردبینیکردنیی و رەوانەکردنی بۆ پەرلەمانی عێراق.

ئاوێنه‌: حەیدەر مەجید، وتەبێژی حکومەتی عێراق لەلێدوانێکی رۆژنامەنوسیدا رایگەیاند، مستەفا کازمی سەرۆک وەزیران داوای لەهەردو وەزیری دارایی و پلاندانان کرد بەزوترین کات پڕۆژە یاسای بودجەی ساڵی 2021 رەوانەی ئەنجومەنی وەزیران بکەن، ئەوەش بەئامانجی وردبینیکردنی لەلایەن فەرمانگەی یاسایی و پەسەندکردنی لە ئەنجومەنی وەزیران و دواتریش رەوانەکردنی بۆ پەرلەمان.

ئاماژەی بەوەشکرد، حکومەت و پەرلەمان جەخت دەکەنەوە لەسەر پێویستی پەلەکردن لە پەسەندکردنی پڕۆژە یاسای بودجە، بەتایبەت کەلەئێستادا سەدان پڕۆژەی تەواو نەکراو لەچاوەڕوانی خەرجکردنی بودجەدان و حکومەت خواستی ئەوەی هەیە کارکردن لەو پڕۆژە خزمەتگوزاریانەدا دەستپێبکاتەوە.

زۆرترین بینراو
© 2021 Awene Online, Inc. All Rights Reserved.
×