كارگەیەكی بەرهەمهێنانی ماددە پاككەرەوەكان لە گەڕەكی تاڤگە دادەخرێت و سەرۆكی لیژنە هاوبەشەكانی قائیمقامیەتی سلێمانیش رایدەگەیەنێت، لە دروستكردنی ئەو بەرهەمانەدا ماددەیەك بەكارهاتووە كە ئەگەر بە رێژەیەكی زۆر بەكاربهێنرێت دەبێتە هۆی هەستیاری پێست و زیان گەیاندن بە سییەكان و قژ هەڵوەرین و هەندێك جاریش دەبێتە هۆی لەدەستدانی چاو.
ئاوێنه: لەشكر حەمید سەرۆكی لیژنە هاوبەشەكانی قائیمقامیەتی سلێمانی رایگەیاند: ئەم كارگەیە هیچ مەرجێكی تێدا نییە و ماددەپاككەرەوەكان بە شێوەیەكی نا زانستی بەرهەمدەهێنێت.
وتیشی: نزیكەی 10 تۆن زاهی و شامپۆ و چەند موادێكی تری پاككەرەوە دەستیان بەسەردا گیراوە و سەرجەمیان بە بڕیاری قائیمقامیەتی سلێمانی لەناودەبرێن و خاوەنی كارگەكەش دەدرێتە دادگا.
لەشكر حەمید راشیگەیاند: لە دروستكردنی ئەو بەرهەمانەدا ماددەیەك بەكارهاتووە كە ئەگەر بە رێژەیەكی زۆر بەكاربهێنرێت زیانی تەندروستی بۆ مرۆڤ دەبێت و دەبێتە هۆی هەستیاری پێست و زیان گەیاندن بە سییەكان و قژ هەڵوەرین و هەندێك جاریش دەبێتە هۆی لەدەستدانی چاو.