پەرلەمانتارانی گروپی ۱٥: پشتیوانیی تەواوی خۆپیشاندەرانی هەرێم دەکەین
  2020-12-02       222       
 پەرلەمانتارانی گروپی ۱٥ ی ئەنجومەنی نوێنەرانی عێراق رایده‌گه‌یه‌نن ''پشتیوانیی تەواوی خۆپیشاندەرانی هەرێم دەکەین و دەنگمان دەخەینە پاڵ داوا رەواکانیان''

ئاوێنه‌: راگەیەندراوێک لە پەرلەمانتارانی گروپی ۱٥ ی ئەنجومەنی نوێنەرانی عێراقەوە.

ئێمە پشتیوانی تەواوی خۆپیشاندەرانی هەرێم دەکەین و دەنگیان دەگەیەنینە هەمو ناوەندە سیاسیی و دبلۆماسیی و ئیعلامیەکانی دونیا.

وەک پەرلەمانتارانی گروپی پانزە پشتیوانیی تەواوی خۆپیشاندەرانی هەرێم دەکەین و دەنگمان دەخەینە پاڵ داوا رەواکانیان.

بەردەوامی سیاسەتی تاڵانی داهاتەکانی هەرێم و درێژەدان بە شێوازە شکست خواردوەکانی حوکمڕانی وایکردوە کە چیتر خەڵکی کوردستان لە توانایدا نەمێنێ تەحەمولی ئەو هەمو بەدکاریی و گەندەڵیی و تاڵانییە بکا.

لە بەرنامەی کاری دانیشتنەکانی داهاتوی پەرلەمانی عێراق و لیژنە پەیوەندیدارەکانیدا هەمو هەوڵێک بۆ جێکەوتنی داوای خۆپیشاندەرانی هەرێم دەخەینە گەڕ.

بە هێزە ئەمنیەکانی هەرێمیش دەڵێین پێویستە لەبری پەلاماردانی خۆپیشاندەران ئەرکی نیشتیمانیی خۆتان جێبەجێ بکەن و ژیان و سەلامەتی خۆپیشاندەران بپارێزن.

۲ ی دێسەمبەری ۲٠۲٠
زۆرترین بینراو
© 2021 Awene Online, Inc. All Rights Reserved.
×