2020-12-02   378     
جێگری سەرۆكی پەرلەمان ڕایگەیاند: دەنگۆكانی داخستنی پەرلەمان دوورن لە ڕاستیەوەو لیژنەكان لە كاری خۆیان بەردەوان.
ئاوێنه: هێمن هەورامی جێگری سەرۆكی پەرلەمانی كوردستان لە لێدوانێكدا دەنگۆكانی داخستنی پەرلەمانی ڕەت كردەوەو ڕایگەیاند: ئەو دەنگۆیانەی كە باس لە داخستنی پەرلەمانی كوردستان دەكەن دوورن لە ڕاسیتەوە، چونكە كارەكانی پەرلەمان و لیژنەكان بەردەوامن، سەبارەت بە وادەی كۆبوونەوەی پەرلەمان گوتی: كەی پێویست بكا كۆدەبینەوە، ڕەنگە سبەینێ یان هەفتەیەكی تر یان مانگێكی تر.
دەنگۆی داخستنی پەرلەمانی كوردستان دوای ئەوە هات كە بەهۆی فشاری 37 پەرلەمانتارەكە ڕێگە نەدرا كۆبوونەوەی ڕابردووی پەرلەمان بەڕێوە بچێت، وا بڕیاربوو ئەمڕۆ كۆبوونەوەی پەرلەمان لەسەر پرسی مووچە بكرێت، بەڵام دواخرا بۆ كاتێكی دیكە.