فاخیر هەریری لە زیندانەوە پەیامێک بڵاودەکاتەوە
  2020-12-02       1894       

فاخیر هەریری هونەرمەندی میللیی هەولێر کە زیاتر لە ساڵێکە دەستگیرکراوە په‌یامێكی ده‌نگیی بڵاوكرده‌وه‌ و داوا لە سەرۆکی حکومەتی هەرێم دەکات گوێی لە دەنگی بێت. دەشڵێت، دۆخی ناو زیندانەکەی زۆر خراپە.

ئاوێنە: فاخر هەریری، لەنامە دەنگییەكەیدا كە له‌ رێگه‌ی كه‌ناڵی (ئین ئاڕ تی)یه‌وه‌، بڵاویكردۆتەوە، دەڵێت، دۆخی ناو زیندانەکەی زۆر خراپە چونکە ئەو زیندانە بۆ 900 كەس دروستكراوە، بەڵام ئێستا دو هەزار و 300 كەسی تێدایە و بەوەش، رۆژانە شەڕ لە نێوان زیندانییەكاندا رودەدات.

ئەوەش دەخاتەڕو: دەیەوێت مەسرور بارزانی سەرۆکی حکومەتی هەرێمی کوردستان گوێی لە دەنگی بێت و بزانێت کە دۆخی ناو زیندانەکەی خراپە.

باس لەوەش دەكات كە لەناو زینداندا گەندەڵی زۆرە و هەركەسیش دەڵێت دۆخیان باشە، ئەوا راست ناكات، چونکە بەپێچەوانەی قسەكانی وەزیری كار و كاروباری كۆمەڵایەتیەوە، گوزەران لە ناو زیندان زۆر خراپە.

ئەوەش لەکاتێکدایە، ماوەی زیاتر لە ساڵێکە فاخیر هەریری لەسەر کێشەی زەوی و زار دەستگیرکراوە و بە وتەی خۆیان، بەرپرسێک حەقی خواردون و ئەویشیان بە گرتن داوە.


زۆرترین بینراو
© 2021 Awene Online, Inc. All Rights Reserved.
×