ئەنجومەنی باڵای
سیاسی و بەرژەوەندی یەكێتی رایگەیاند، دابین نەكردنی بژێوی زۆرینەی خەڵكی كوردستان
تەنگی بە موچەخۆران هەڵچنیوەو داوا لە حكومەتی هەرێم دەكات سیاسەتی ئابوری و دارایی
خۆی، چ بەدانوستان لەگەڵ بەغداو چ بە داهاتی كوردستان، بەپێی خواستی خەڵك، بەشێوەیەك
ساغ بكاتەوە، كە دڵنیایی تەواو بەڕای گشتی بدات.
ئاوێنە: سەرلەبەیانی ئەمڕۆ پێنجشەممە بە سەرپەرشتی
هەڤاڵ كۆسرەت رەسوڵ عەلی و ئامادەبونی تەواوی ئەندامەكانی، ئەنجومەنی باڵای سیاسی
و بەرژەوەندی یەكێتی كۆبوەوە.
بەپێی
راگەیەندراوی كۆبونەوەكە، ئەنجومەنی باڵا پێیوایە كوردستان بە دۆخێكی ئابوری و سیاسی
دژواردا تێدەپەڕێت، دابین نەكردنی بژێوی زۆرینە بەتەواوەتی تەنگی بە موچەخۆرانی
كوردستان هەڵچنیوەو شەقام بە داخوازی و ناڕەزایی و رەخنەو ئاراستەی جیاواز هاتونەتە
خرۆش.
بۆیە ئەنجومەنی
باڵای سیاسی و بەرژەوەندی یەكێتی داوای كردوە حكومەتی هەرێم بەخێرایی سیاسەتی
ئابوری و دارایی خۆی، چ بەدانوستان لەگەڵ بەغداو چ بە داهاتی كوردستان، بەپێی
خواستی خەڵك، بەشێوەیەك ساغ بكاتەوە، كە دڵنیایی تەواو بەڕای گشتی بدات.
ئەوەشی
خستۆتەڕو"یەكێتی نیشتمانیی كوردستان و كوردستانیش، لەبەردەم بەرپرسیارێتیەكی
چارەنوسسازدایە، لە بەرامبەر داخوازی رەوای خەڵكدا، پێویستە بڕیارو بەرنامەكانی
داكۆكیكردن بێت لە چۆنیەتی چارەسەركردنی كێشەی ئابوری و موچەی خەڵك، ئەمەش پێویستی
بە گوتاری یەكگرتوە، بەپێی پرۆژەیەكی چارەسەری راستەقینە، لەپێشەوەی چارەسەری دۆخی
ئابوری و دارایی. چارەسەری دۆخی ئابوری و داراییش لەكوردستان، مەحاڵە بەبێ ریشەكێشكردنی
دیاردەی گەندەڵی لە سەرانسەری كوردستان، چ لەناو حكومەت و چ لەناو حیزبەكان."
سەبارەت بە دەسەڵاتەكانی ئەنجومەنی باڵای سیاسی
و بەرژەوەندی یەكێتی وتویەتی"ئاماژە بەدەسەڵاتەكانی ئەنجومەنی باڵا لە پەیڕەوی
ناوخۆدا چەسپێنرا، لێرەدا پێویستە رایبگەیەنین كەوا تەنها ئەنجومەنی باڵای سیاسی، بەرپرسیارە
لە لێپێچینەوەی ئەندامەكانی و بەس."
دەقی راگەیەندراوەكە..
راگەیاندنی ئەنجومەنی
باڵای سیاسی و بەرژەوەندی (ی.ن.ك)
سەرلەبەیانی
3/12/2020 بە سەرپەرشتی هەڤاڵ كۆسرەت رەسوڵ عەلی و ئامەدەبونی تەواوی ئەندامەكانی،
لەم دۆخەدا ئەنجومەنی باڵای سیاسی كۆبوەوە، ئەنجومەنی باڵا پێیوایە
كوردستان بە دۆخێكی ئابوری و سیاسی دژواردا تێدەپەڕێت، دابین نەكردنی بژێوی زۆرینە
بەتەواوەتی تەنگی بە موچەخۆرانی كوردستان هەڵچنیوە. شەقام بە داخوازی و ناڕەزایی و
رەخنەو ئاراستەی جیاواز هاتونەتە خرۆش. بۆیە ئەنجومەنی باڵا لەهەر هەلومەرجێكی
رابردو جیاوازتر، داوادەكات خێرا، حكومەتی كوردستان، سیاسەتی ئابوری و دارایی خۆی،
چ بەدانوستان لەگەڵ بەغداو چ بە داهاتی كوردستان، بەپێی خواستی خەڵك، بەشێوەیەك
ساغ بكاتەوە، كە دڵنیایی تەواو بەڕای گشتی بدات.
یەكێتی نیشتمانیی
كوردستان و كوردستانیش، لەبەردەم بەرپرسیارێتیەكی چارەنوسسازدایە، لە بەرامبەر
داخوازی رەوای خەڵكدا، پێویستە بڕیارو بەرنامەكانی داكۆكیكردن بێت لە چۆنیەتی چارەسەركردنی
كێشەی ئابوری و موچەی خەڵك، ئەمەش پێویستی بە گوتاری یەكگرتوە، بەپێی پرۆژەیەكی چارەسەری
راستەقینە، لەپێشەوەی چارەسەری دۆخی ئابوری و دارایی. چارەسەری دۆخی ئابوری و دارایش
لەكوردستان، مەحاڵە بەبێ ریشەكێشكردنی دیاردەی گەندەڵی لە سەرانسەری كوردستان، چ لەناو
حكومەت و چ لەناو حیزبەكان.
ئاماژە بە دەسەڵاتەكانی
ئەنجومەنی باڵا، لە پەیڕەوی ناوخۆدا چەسپێنرا، لێرەدا پێویستە رایبگەیەنین كەوا تەنها
ئەنجومەنی باڵای سیاسی، بەرپرسیارە لە لێپێچینەوەی ئەندامەكانی و بەس.
ئەنجومەنی باڵای
سیاسی و
بەرژەوەندی یەكێتی
نیشتمانی كوردستان