ئەمشەو پێنجشەممە، وەفدێكی حكومەتی هەرێمی كوردستان بەرەو بەغدا بەڕێكەوت
بەمەبەستی تاوتوێكردنی شایستە داراییەكانی هەرێمی كوردستان لەگەڵ بەرپرسانی بەغدا.
ئاوێنە: بەگوێرەی
میدیاكانی پارتی، وەفدەكە لەلایەن ئاوات شێخ جەناب، وەزیری دارایی حكومەتی هەرێمی
كوردستانەوە سەرۆكایەتی دەكرێت و پرسی شایستە داراییەكانی هەرێمی كوردستان لە
بودجەی 2021ی عیراقدا لەگەڵ بەرپرسانی باڵای بەغدا تاوتوێ دەكەن.
خالید شوانی،
وەزیری هەرێم بۆ كاورباری بەغداو عەبدولحەكیم خەسرۆ، سەرۆكی فەرمانگەی هەماهەنگی و
بەدواداچون ئەندامی وەفدەكەی حكومەتی هەرێمی كوردستانن و بڕیارە سبەی هەینی چەند
كۆبونەوەیەك ئەنجام بدەن.
ئەمڕۆ حەسەن نازم،
وتەبێژی حکومەتی عێراق و وەزیری رۆشنبیری ئەو وڵاتە، بە "ئێن ئاڕ تی"
راگەیاندبو، کێشە دارایەکانی نێوان بەغدا و هەرێم بەرەو چارەسەر دەچن و لە ئەنجومەنی
وەزیرانی عێراق ھەوڵی جدی ھەیە بۆ ئەوەی ئەو کێشانە چارەسەربن.
ئەوەشی خستبوەڕو"لە چەند رۆژی داھاتودا بە ھەوڵی ھەردولا دەگەینە ریککەوتن."