بەرەبەیانی ئەمڕۆ شەممە،
روحوڵا زەم، بەڕێوەبەرو دامەزرێنەری كاناڵی تەلەگرامی "ئامەدنیوز" لە
ئێران لە سێدارە درا.
ئاوێنە: بەپیی
میدیاكانی ئێران، روحوڵا زەم، كە لەلایەن ئێرانەوە تۆمەتباركرابو بە "سیخوڕیكردن"
بۆ دەزگا هەواڵگرییەكانی ئیسرائیل و فەرەنساو "هاوكاریكردن"ی حكومەتی
ئەمریكا، بەرەبەیانی ئەمڕۆ شەممە لە سێدارەدراوە.
ڕوحوڵا زەم، بەڕێوبەری
کەناڵی تێلگرامی “ئامەدنیوز”، دانیشوی فەرەنسا بو، ساڵی ڕابردو لە سەردانێکیدا بۆ
شاری نەجەف لە عێراق، لەلایەن ناوەندە ئەمنییەکانی دەسەڵاتی ئێرانەوە ڕفێندرا، دوای
لێپرسینەوە لە ناوەندە ئەمنییەکانی دەسەڵات، برایە بەردەم دادگا و ١٣ تۆمەتی ئاڕاستە
کرا.
بی بی سی ئاشكرایكردبو كە روحوڵا زەم لە سەردانەكەیدا بۆ عێراق راستەوخۆ لەگەڵ گەیشتنیدا لە بەغدا لەلایەن دەزگای هەواڵگری عێراقەوە دەستگیركراوەو دوای رۆژێك رادەستی ئێران كراوە.
دادگاییكردنی روحوڵا زەم لەلایەن
رێكخراوەكانی مافی مرۆڤەوە روبەڕوی رەخنە كرایەوەو رایانگەیاندبو كە "ناچار
بە دانپێدانان" كراوە.
تەلەفزیۆنی ئێران چەند جارێك "دانپێدانان"ەكانی
روحوڵا زەمی بڵاوكردۆتەوە كە تێیدا دانی بە هاوكاریكردنی لەگەڵ دەزگا ئەمنییەكانی
رۆژئاوادا ناوە.