2020-12-12 546
ئاژانسی رۆیتەرز رایدەگەیەنێت، ئەمەریکا ئامادەکاری بۆ راگەیاندنی ژمارەیێک سزا بەسەر تورکیا دەکات.
ئاوێنه: ئاژانسەکە لەزاری بەرپرسانی ئەمریکییەوە بڵاوی کردەوە، سزاکانی ئەمەریکا، بەهۆی کڕینی سیستمی بەرگریی ئێس-400 رووسیەوە دامەزراوە پیشەسازییەکانی بەرگریی تورکیا و سەرۆکی ئەو دامەزراوەیە دەگرێتەوە و تەنها راگەیاندنی ماوە.
رۆیتەرز ئاماژەی بەوەکردووە، سزاکانی ئەمەریکا لەچوارچێوەی یاسای رووبەڕووبوونەوەی رکابەرەکانی ئەمەریکا دەبێت کە ساڵی 2017 دەرچووە.
بەهۆی کڕینی سیستمی بەرگریی ئێس 400ی رووسی لەلایەن تورکیاوە، پەیوەندییەکانی نێوان ئەنقەرە و واشنتۆن گرژی تێکەوتووە و لەکاردانەوەی ئەوەشدا ئەمەریکا بڕیاری بەشداریی تورکیای لە بەرنامەی پەیوەست بە فڕۆکەی ئێف -35 راگرت.