بەرهەم
ساڵح، سەرۆک
کۆماری عێراق، ئەمڕۆ پێنجشەممە، یاسای بودجەی هەڵبژاردنی پەرلەمانی عێراقی
پەسەندكرد كە بڕیارە لە مانگی حوزەیرانی ساڵی داهاتو بەڕێوەبچێت.
ئاوێنە: بەپێی راگەیەندراوێكی سەرۆكایەتی كۆمار، لەمیانی پەسەندکردنی
یاساکەدا سەرۆک کۆماری عێراق رایگەیاند، پەسەندکردنی یاساکە دەستپێکێکە بۆ ئەنجامدانی
هەڵبژاردنی پێشوەختەی پاک و بێگەردو دادپەروەر هەروەها بۆ ئەوەی کۆمسیۆنی باڵای سەربەخۆی
هەڵبژاردنەکان بتوانێت ئامادەکاری بکات بۆ ئەنجامدانی هەڵبژاردنەکان.
پەسەندکردنی یاساکە لەلایەن سەرۆک کۆمار، دوای ئەوە دێت كە لە پەرلەمانی
عێراق دەنگی لەسەر درابو و رەوانەی سەرۆكایەتی كۆمار كرابو.