2020-12-27 581
رێژەی چاكبوونەوە لە ڤایرۆسی كۆرۆنا لە عێراق 90% تێدەپەرێنێت و وەزارەتی تەندروستیش دەڵێت،" ڕێژەی توشبوون و گیانلەدەستدانیش بەکۆرۆنا بەرێژەیەکی بەرچاو دابەزیوە".
ئاوێنە: وەزارەتی تەندروستی و ژینگەی عێراق رایگەیاندووە،" رێژەی تۆمارکردنی حاڵەتی توشبوون بە کۆرۆنا بۆ 3% دابەزیوە لەسەرجەم یٔەو پشکنینانەی کە بۆ ڤایرۆسی کۆرۆنا یٔەنجامدەدرێن، لەیٔێستاشدا بەبەراورد بە مانگی ڕابردوو رێژەی ئەنجامدانی پشکنینەکانی ڤایرۆسی کۆرۆنا 10 هێندە زیادی کردووە".
ئاماژە بەوەشدراوە،" هەنگاوێکی باش لەڕوبەڕوبونەوەی کۆرۆنادا گیراوەتەبەر و داواش لە هاوڵاتیان دەکات، بەردەوام بن لە گرتنەبەری ڕێگاکانی خۆپارێزی دژ بەڤایرۆسی کۆرۆنا".
به‌پێی دوایین ئاماری وه‌زاره‌تی ته‌ندروستی و ژینگەی عێراق ،تا ئێستا 590 هەزار و 779 کەس له‌سەرتاسەری عێراقدا تووشی كۆرۆنا بوون، لەو ژمارەیەش 530 هەزار و 262 کەس چاکبوونەتەوە و 12 هه‌زار و 767 کەسیش به‌هۆی ڤایرۆسه‌كه‌وه گیانیان لەدەستداوە.