2020-12-29   763     
ئومێد سەباح، سەرۆکی دیوانی ئەنجومەنی وەزیران رایگەیاند، "لە دواین کۆبونەوەی ئەنجومەنی وەزیراندا بڕیارمانداوە کە بودجەی هەرێمی کوردستان بنێرینە پەرلەمان".
ئاوینە: بەپێی دوایین یاسای پەسەندکراوی بودجەی ساڵی 2013، داهاتی هەرێمی کوردستان 15 تریلیۆن و 257 ملیار و 849 ملیۆن دینار بو کە 14 تریلیۆن و 406 ملیار و 735 ملیۆن دیناری لە بەشە بودجەی عێراق و 651 ملیار و 114 ملیۆن دیناریش داهاتی ناوخۆیی بو.
بەگوێرەی زانیارییەکانی سەرۆکی دیوانی ئەنجومەنی وەزیران لەو بڕەش، بۆ خەرجییەکانی هەرێمی کوردستان 16 تریلیۆن و 942 ملیار و 749 ملیۆن دینار پێویستبوە کە 11 تریلیۆن و 608 ملیار و 958 ملیۆنی بۆ خەرجییەکانی بەگەڕخستن و 5 تریلیۆن و 333 ملیار و 791 ملیۆن دیناریش بۆ وەبەرهێنان بوە. هەروەها تریلیۆنێک و 684 ملیار و 900 ملیۆن دینار کورتهێنانی لە بودجەدا هەبوە.