د.یاد نەقشبەندی، بەڕێوەبەری نەخۆشخانەی هیوا رایگەیاند، كێشەی پارەی شەش
مانگی خۆبەخشانی نەخۆشخانەكە چارەسەركرا.
ئاوێنە: د. یاد
نەقشبەندی، ئێوارەی ئەمڕۆ سێشەممە، لە راگەیەندراوێكدا ئاماژەی بەوەدا كە کێشەی خۆبەخشان
خۆی لەنەبونی ئەمری ئیداری و پێنەدانی شایستە داراییەکانی شەش مانگی ساڵی 2020دا
دەبینیەوە كە بەقسەی ئەو "دوای هەوڵ و پشتیوانیەکی زۆر رەزامەندی درا بەسەرفکردنی
ئەو برەپارەیە بۆ ماوەی شەش مانگ."
د. یاد نەقشبەندی
لەگەڵ راگەیەندراوەكەیدا وێنەیەكی نوسراوی دیوانی سەرۆكایەتی ئەنجومەنی وەزیرانی
هەرێمی كوردستانی بڵاكردۆتەوە كە تێیدا رەزامەندی نیشانداوە لەسەر خەرجكردنی 55
ملیۆن و 25 هەزار دینار مانگانە بۆ ئەو كارمەندە تەنسیب و خۆبەخشانەی كە لە
نەخۆشخانەی هیوا/تاقیگەكانی نەخۆشخانەی شۆڕش كاردەكەن تەنها بۆ ماوەی شەش مانگ لە
رێككەوتی 1ی 7ی 2020 بۆ 31/12/2020.
