2021-01-06 315
تەندروستی سلێمانی رایدەگەیەنێت، لە ساڵی رابردوودا هەزار و 165 حاڵەتی گواستنەوەی تەرم بۆ پزیشكی دادوەریی سلێمانی بەئەنجام گەیەنراوە.
ئاوێنه: بەپێی ئامارێكی بەرێوبەرایەتی گشتی تەندروستی سلێمانی لەماوەی ساڵی ڕابردوودا لەسەنتەری هەماهەنگی فریاكەوتنی خێرا دوو هەزار 193 حاڵەتی فریاكەوتنی خێرا و بەهاناوەچوونی هاووڵاتییان ئەنجامدراوە و هەروەها هەزار و 165 حاڵەتی گواستنەوەی تەرم بۆ پزیشكی دادوەریی سلێمانی بەئەنجام گەیەنراوە.
بەپێی ئامارەكان لەماوەی ساڵی 2020دا لەسەنتەری هەماهەنگی فریاكەوتنی خێرا دوو هەزار و 472 حاڵەتی گواستنەوەی نەخۆش و هاووڵاتییان لەماڵەوە بۆ نەخۆشخانە و بەپێچەوانەوە تۆماركراوە و 10 هەزار و 883 حاڵەتی دەرچوون لەدەرەوە و ناوەوەی شار ئەنجام دراوە.
ئەوە لەكاتێكدایە لەساڵی 2019دا 21334 دەرچوون لەسەنتەری هەماهەنگی فریاكەوتنی خێرای 122 ئەنجام دراوە و ساڵی 2018 دا 15 هەزار و 732 دەرچوون لەو سەنتەرە ئەنجامدراوە.