2021-01-06   399     
وەزارەتی تەندروستی و ژینگهی عێراق رایگەیاند: لە 24 کاتژمێری رابردودا 839 توشبوی نوێی کۆڕۆنا لە سەرانسەری عێراق تۆمارکراوه، هاوكات 9 كهسیش بههۆی كۆڕۆناوه گیانیان لەدەستداوە.
ئاوێنه: وەزارەتی تەندروستی و ژینگهی عێراق دواین ئامارهكانی تایبهت به كۆڕۆنای ڕاگهیاند كه تیایدا هاتووه: له 24 کاتژمێری رابردودا 839 توشبوی نوێی کۆڕۆنا لە سەرانسەری عێراق تۆمارکراون، له بهرامبهردا ڕێژهی چاكبونهوه ههزارو 889 كهس بووه، بههۆی كۆڕۆناوه له ماوهی 24 كاتژمێری ڕابردو 9 كهس گیانیان لەدەستداوە.
ڕێژهی زۆری توشبوان له بەغدای پایتەخت بووه كه ژمارهیان 296 توشبوه، هاوكات كهمترین ڕێژهی توشبونیش له پارێزگای میسان بووە كه 1 كهسه، رێژەی گیان لەدەستدانیش لە پارێزگای كەركوك بووە كە 3 كەس بەهۆی كۆڕۆناوە گیانیان لەدەستداوە.