ئەمینداری گشتیی وەزارەتی پێشمەرگەی حكومەتی هەرێمی كوردستان ڕایدەگەیەنێت: كاروانێكی دیكەی هاوكاریی هێزەكانی هاوپەیمانیی دژی داعش، گەیشتوەتە وەزارەتی پێشمەرگە.
ئاوێنه: ئەمڕۆ پێنج شەممە 7-1-2021، جەبار یاوەر ئەمینداری گشتیی وەزارەتی پێشمەرگە بە ڕۆژنامەنوسانی ڕاگەیاند: كاروانێكی دیكەی هاوكاریی هێزەكانی هاوپەیمانیی دژی داعش، گەیشتوەتە وەزارەتی پێشمەرگە كە لە چەك و ئۆتۆمبێل و كەرەستەی سەربازی پێكهاتوە.
هەروەها ئەوەشی خستەڕوو: لەساڵی 2016 ەوە هاوكارییەكانی ئەمریكا بۆ هێزەكانی پێشمەرگە بەردەوامن و لە بودجەی ساڵی 2021 دا ئەمریكا 166 ملیۆن دۆلاری بۆ هێزەكانی پێشمەرگە دیاریكردوە.