روانگەی سوری بۆ مافەكانی مرۆڤ، ئەمڕۆ پێنجشەممە، ئاشكرایكرد، لە هێرشی فڕۆكەیەكی بێفڕۆكەواندا چوار چەكداری حەشدی شەعبی عێراق كوژراون كاتێك ویستویانە بچنە نێو خاكی سوریا لە نزیك شارۆچكەی بوكەمال.
ئاوێنە: روانگەی سوری لە راگەیەندراوێكدا ئاشكرایكردوە، فڕۆكەیەكی بێفڕۆكەوان لە هێرشێكدا، ئۆتۆمبێلێكی هێزەكانی حەشدی شەعبی عێراقی كردۆتە ئامانج.
بەپێی قسەی روانگەی سوری، هێرشەكە كاتێك ئەنجامدراوە كە ئۆتۆمبێلەكە هەوڵیداوە لەڕێگەی دەروازەیەكی سنوریی ناڕەسمییەوە بچێتە ناو خاكی سوریا لە نزیك شارۆچكەی بوكەمال لە سنوری رۆژهەڵاتی پارێزگای دێرەزور.
ئەوەشی خستۆتەڕو، چوار چەكداری حەشدی شەعبی كە لە ئۆتۆمبێلەكەدا بون كوژراون و ژمارەیەكی دیكەش برینداربون.