بەرگری شارستانی دهۆك ئاشكرایكرد، سەرلەبەیانی ئەمڕۆ هەینی، ئاگر لە
پێشانگایەكی ئۆتۆمبێل لە دهۆك كەوتۆتەوەو بەهۆیەوە نۆ ئۆتۆمبێل سوتاون.
ئاوێنە: بەڕێوەبەرایەتی بەرگری شارستانی دهۆك، لە راگەیەندراوێكدا وتی،
سەعات 8:15 خولەكی سەرلەبەیانی ئەمڕۆ هەینی، پەیوەندی بە یەكەی كۆنترۆڵەوە كراوە
كە ئاگر لە پێشانگەیەكی ئۆتۆمبێل كەوتۆتەوە.
ئاماژەی بەوەشداوە كە تیمەكانی بەرگری شارستانی بنكەی نزاری بەهاوكاری
بنكەی بەرۆشكێ و بنكەی دهۆك گەیشتونەتە شوێنی روداوەكەو كۆنترۆڵی ئاگرەكەیان
كردوە.
ئاشكراشیكردوە لە ئاكامی ئاگركەوتنەوەكەدا نۆ ئۆتۆمبێل سوتاون بەڵام جگە لە
زیانی ماددی، هیچ زیانێكی گیانی نەبوە.