سەرۆکی پەرلەمانی ئێران گەڕانەوەی ئەمریکا بۆ رێککەوتنەکە چیتر بۆ ئێمە گرنگ نیە
  2021-01-10       215       
محمد باقر قالیباف سەرۆکی پەرلەمانی ئێران هۆکاری قبوڵکردنی مەرجەکانی رێککەوتنی ئەتۆمی لەلایەن تارانەوە رونکردەوە و رایگەیاند، رێککەوتنی 2015-ی ئەتۆمی ئێران لەگەڵ وڵاتانی زلهێزی جیهان رێککەوتنێکی نهێنی نەبوە و بەو مەرجەش قبوڵکراوە کە سزاکانی لەسەر لاببرێت.

ئاوێنە: سەرۆکی پەرلەمانی ئێران بەمیدیاکانی وڵاتەکەی راگەیاندوە، گەڕانەوەی ئەمریکا بۆ رێککەوتنەکە چیتر بۆ ئەوان گرنگ نیە، بەڵکو ئەوەی گرنگە لابردنی تەواوەتی سزاکانە.

راشیگەیاند، پێویستە وڵاتانی رۆژئاوا دان بە مافەکانی ئێراندا بنێن، ئەگەر هەر دەشیانەوێت فشاری زیاتر بخەنە سەرمان ئەوە پێویستە خۆیان بۆ ئەوە ئامادەبکەن کە باجەکەی بدەن.

ئاشکراشیکرد، بەپێی بڕگەکانی 36 و 37-ی رێککەوتنەکە ئێمە دەتوانین جێبەجێکردنی ئەو رێککەوتنە راگرین چونکە لایەنی سەرەکی لەرێککەوتنە کشاوەتەوە.

وتیشی، لەسەردەمی ئۆباماش پێشێلکاری بەرامبەر رێککەوتنەکە کراوە، واژۆی بایدن بۆ ئەوان گرنگ نیە، بەقەدەر ئەوەی ئەمریکا بەکردەوە بیسەلمێنێت پابەند دەبن بەو رێککەوتنە.

سەرۆکی پەرلەمانی ئێران جەختیشیکردەوە، لای ئێمە لابردنی سزاکان یانی بتوانین بەئارەزوی خۆمان نەوت بفرۆشین و پارەکەی لەبانکە جیهانییەکاندا وەرگرینەوە.
زۆرترین بینراو
© 2021 Awene Online, Inc. All Rights Reserved.
×