وەزارەتی تەندروستی
ئاشكرایكرد، ڤاكسینی كۆرۆنا لە سەرەتای مانگی داهاتودا دەگاتە عێراق.
ئاوێنە: ریاز
حەلفی، بەڕێوەبەری گشتی لە وەزارەتی تەندروستی عێراق، ئێوارەی ئەمڕۆ یەكشەممە بە
ئاژانسی رەسمی هەواڵی عێراقی وت، لە سەرەتا یاخود لە ناوەڕاستی مانگی داهاتودا
ڤاكسینی كۆرۆنا دەگات عێراق و وەزارەتەكەیشیان پیلانێكی بۆ ڤاكسینەكە داناوە
لەوانە شوێنی هەڵگرتن و پاراستنی.
پێشتر د. حەسەن
تەمیمی، وەزیری تەندروستی عێراق رایگەیاندبو كە بەم نزیكانە ڤاكسینەكەی ڤایزەر
دەگاتە عێراق و ئاماژەی بەوەشدابو كە گرێبەستی كڕینی ڤاكسینی كۆرۆنا لەگەڵ
كۆمپانیا ئەمریكییەكە ئامێرو پێداویستییە تایبەتەكانی ڤاكسینەكەش لەخۆدەگرێت.