كەشناسی: باران بارین دەستپێدەكاتەوە
  2021-01-12       593       
كەشناسی هەرێم رایدەگەیەنێت، شەپۆلێکی بارانبارین هەرێمی کوردستان دەگرێتەوە و پلەی گەرماش لە ناوچە شاخاوییەکان بۆ ژێر سفری سیلیزی دادەبەزێت.

ئاوێنە: فازڵ ئیبراهیم، بەڕێوەبەری فەرمانگەی کەشناسی و بوومەلەرزەزانی هەرێمی کوردستان رایگەیاند،"رۆژی پێنجشەممە 14-1-2021 شەپۆلێکی بارانبارین هەرێمی کوردستان دەگرێتەوە و ماوەی دوو رۆژ بەردەوامدەبێت و ئێوارەی رۆژی هەینی کۆتایی دێت".

ئاماژەی بەوەشداوە،"بەپێی پێشبینییەکانی کەشناسی، شەپۆلەکە سەرەتا دهۆک دەگرێتەوە و دواتریش شار و ناوچەکانی دیکەی هەرێمی کوردستان دەگرێتەوە، هاوکات لە ناوچە شاخاوییەکان بەفر دەبارێت".

وتیشی،"ئەو شەپۆلەی دەستپێدەکات، پلەکانی گەرما دادەبەزێنێت، بە جۆرێک لە ناوچە شاخاوییەکان بۆ ژێر سفر و لە ناوچەکانی دیکەش نزیکی سفر دەبێتەوە".
زۆرترین بینراو
© 2021 Awene Online, Inc. All Rights Reserved.
×