١٦ چەکداری ئێرانی و سەربازی سوری لە بۆردومانی ئاسمانی ئیسرائیلدا کوژران
  2021-01-13       534       
لانیکەم پێنج سەربازی ڕژێمی سوریا و ١١ چەکداری ئێرانی لە بۆردومانی ئاسمانی ئەم بەیانییەی ئیسرائیلدا لە ڕۆژهەڵاتی سوریا لەسەر سنوور ی عێراق کوژران.

ئاوێنە: ڕوانگەی سوری بۆ مافەکانی مرۆڤ بڵاویکردووەتەوە، بەرە بەیانی ئەمڕۆ فڕۆکە سەربازییەکانی ئیسرائیل ١٨ جار بۆردومانی کۆگایەکی چەک و پێگەیەکی سەربازییان کردووە لە دێرەزوری ڕۆژهەڵاتی سوریا لەسەر سنووری عێراق لە ناوچەی ئەلبوکەمال.

بەپێی زانیارییەکانی ڕوانگەکە، لەو هێرشانەدا لانیکەم ١٦ چەکدار و سەرباز کوژراون کە ١١یان سەر بە میلیشیا ئێرانیەکان بوون، هەروەها بە تەواوی چەند کۆگایەکی چەکیان وێران کردووە کە سەر بە سوپای پاسداران و حزبوڵای لوبنانی و فاتمیە بووە.

ئاژانسی هەواڵی سانا هەواڵەکەی پشتڕاستکردووەتەوە و ڕایگەیاندووە، هێرشەکان لە دەوروبەری کاتژمێر ١:١٠ خوولەکدا ئەنجامدراون، بەپێی ڕاپۆرتە هەواڵیەکانیش، ئیسرائیل لە ٢٠٢٠دا نزیکەی ٥٠ ئامانجی لە سوریا بۆردومان کردووە
زۆرترین بینراو
© 2024 Awene Online, Inc. All Rights Reserved.
×