جوتیار عادل، وتەبێژی حكومەتی هەرێمی كوردستان، ئاشكرایكرد، لە كۆبونەوەی ئەمڕۆی لیژنەی باڵای روبەڕوبونەوەی كۆرۆنادا بڕیاردراوە سەرەتای هەفتەی داهاتو خوێندنی پۆلی 12ی ئامادەیی دەستپێبكاتەوەو قۆناغەكانی دیكەش لە 1ی 3ی 2021 دەست بە خوێندن دەكەنەوە.
ئاوێنە: جوتیار عادل، وتەبێژی حکومەتی هەرێمی کوردستان لەكۆنگرەیەكی
رۆژنامەوانیدا رایگەیاند، ئەمڕۆ لیژنەی باڵای روبەڕوبونەوەی کۆرۆنا کۆبوەوە، وەزیرانی
تەندروستی و پەروەردە پرۆگرام و هەڵسەنگاندنی خۆیان پێشکەش کرد، لیژنەکە پرۆگرامی
وەزارەتی پەروەردەی پەسەندکردو لە رۆژی شەممە 16-1-2021 خوێندنی پۆلی 12 دەستپێدەکاتەوە.
هەروەها جوتیار عادل وتی ، لە 2-2 لیژنەکە دیسان
کۆدەبێتەوەو هەڵسەنگاندنی وەزارەتی تەندروستی دەخرێتەڕو، سەرلەنوێ بڕیاری گونجاو لەوبارەوە
دەدرێت، بۆ قۆناغەکانی دیکەش لە 1-3-2021 خوێندن دەستپێدەکاتەوە.