عەدنان عوسمان، دەستلەكاركێشانەوەی خۆی لە خانەی راپەڕاندن و وتەبێژیی
بزوتنەوەی گۆڕان راگەیاند و دەڵێت"ئاڕاستەو ئیدارەدانی بزوتنەوەکە گەیشتۆتە دۆخێک
نەئەتوانم تیایدا بەشداربم و نە توانای بەرگری لێکردنیم هەیە."
ئاوێنە: عەدنان عوسمان، ئێوارەی ئەمڕۆ یەكشەممە، لە راگەیەندراوێكدا بۆ رایگشتی
كە لەڕێگەی هەژماری خۆی لە تویتەر بڵاویكردۆتەوە، وتویەتی"ئاڕاستەو ئیدارەدانی
بزوتنەوەکە گەیشتۆتە دۆخێک نەئەتوانم تیایدا بەشداربم و نە توانای بەرگری لێکردنیم
هەیە."
ئەوەشی خستۆتەڕو"هەر بۆیە بەناچاری و دڵێکی پڕ حەسرەتەوە دەستلەکارکێشانەوەی
خۆم لەئەندامێتی خانەو وتەبێژی بزوتنەوەکە رائەگەیەنم."
هاوكات عەدنان عوسمان، لە تویتێكی دیكە وتویەتی"پێشتر لە ۱٤/۹/۲٠۲٠ دوای ساڵێک
لەکارکردنم لەخانە، دەست لەکارکێشانەوەم پێشکەشی خانەو لە ۱/۱٠/۲٠۲٠ پێشکەشی جڤات
کرد. بەڵام بەهۆی فشاری دڵسۆزان و هاوڕێیان و بەڵێنی هەندێ هەنگاو، ناچارکرام دان
بەخۆمدا بگرم. لەئێستادا بۆ ئەوەی چیتر هۆکاری سەرئێشە بۆ خۆم و ئەوان نەبم، دوابڕیاری
کۆتایی خۆم دا."