پۆلیسی گەرمیان رایگەیاند، ئێوارەی ئەمڕۆ دوشەممە، هاوڵاتییەكی دانیشتوی كەلار بەهۆی "قەرزارییەوە" لە ماڵەكەی خۆیدا خۆی هەڵواسیوەو گیانی لەدەستداوە.
ئاوێنە: بەڕێوەبەرایەتی پۆلیسی گەرمیان، لە راگەیەندراویكدا وتی"ئێوارەی ئەمڕۆ دوشەمە لەگەڕەکی شارەوانی دوی قەزای کەلارەوە تەرمی هاوڵاتیەک هێنرایە بەشی فریاکەوتنی شەهید هەژار کە بەهۆی هەڵواسینەوە گیانی لەدەستدابو."
پۆلیس ئاماژەی بەوەداوە كە بەوتەی کەسوکاری ئەو کەسەی گیانی لەدەستداوە بەناوی (ف. ح. ح.) لەدایکبوی 1985 و خێزاندارەو بەهۆی کێشەی دارایی و قەرزاریەوە ئێوارەی ئەمڕۆ لەماڵی خۆیان خۆی هەڵواسیوەو گیانی لەدەستداوە.
پۆلیسی گەرمیان ئەوەشی خستۆتەڕو، لەئێستادا تەرمی ناوبراو بەمەبەستی پشکنین ڕەوانەی پزیشکی دادوەری قەزای کەلار کراوەو پۆلیس لەسەر چۆنێتی و هۆکاری خۆخنکاندنی ناوبراو دەستی بەلێکۆڵینەوە کردوە.