پۆلیسی سلێمانی سێ تەقەکەری دەستگیر کرد
  2021-01-19       274       
پۆلیسی سلێمانی رایگەیاند مه‌فره‌زه‌كانی‌ به‌شی‌ پۆلیسی‌ نه‌هێشتنی‌ تاوان، سێ ته‌قه‌كه‌ریان ده‌ستگیركردووە كه‌ له‌چه‌ند شوێنێكی‌ جیاجیای‌ سلێمانیدا ته‌قه‌یان كردبوو.

ئاوێنە: بەڕێوەبەرایەتی پۆلیسی پارێزگای سلێمانی رایگەیاند "دوای‌ به‌دواداچون‌ و كۆكردنه‌وه‌ی‌ زانیاری‌ ورد له‌سه‌ر سێ تۆمه‌تبار كه‌ له‌چه‌ند شوێنێكی‌ ‌ شاری‌ سلێمانی ته‌قه‌یان كردبو، پاش وه‌رگرتنی‌ بریاری‌ دادوه‌ر، مه‌فره‌زه‌كانی‌ به‌شی‌ پۆلیسی‌ نه‌هێشتنی‌ تاوانی‌ سلێمانی‌ توانیان هه‌رسێ تۆمه‌تباره‌كه‌ ده‌ستگیر بكه‌ن‌ و ڕوبه‌ڕوی‌ یاسایان بكه‌نه‌وه‌. له‌كاتی ده‌ستگیركردنی تۆمه‌تباره‌كاندا ده‌ستگیرا به‌سه‌ر ئۆتۆمبێلێك له‌جۆری (شۆفرلێت- ئۆبترا). له‌ئێستادا هه‌ریه‌ك له‌تۆمه‌تباران (ت، ع، م له‌دایكبوی‌ 2004) و (م، ح، م له‌دایكبوی‌ 2001) و (ب، ن، ج له‌دایكبوی‌ 2002) به‌بڕیاری‌ دادوه‌ر ڕاگیراون‌ و لێكۆڵینه‌وه‌ له‌گه‌ڵیاندا به‌رده‌وامه‌".
زۆرترین بینراو
© 2024 Awene Online, Inc. All Rights Reserved.
×