لیوا تەحسین
خەفاجی، وتەبێژی فەرماندەیی ئۆپەراسیۆنە هاوبەشەكانی عێراق، ئێوارەی ئەمڕۆ
پێنجشەممە، رایگەیاند، تەقینەوەكانی ئەمڕۆی بەغدا جێ پەنجەی داعشیان پێوە دیارەو
ئەو شێوازەی تەقینەوە لەلایەن رێكخراوە تیرۆریستییەكانی وەك داعش و
هاوشێوەكانیانەوە بەكاردێت.
ئاوێنە: لیوا
تەحسین خەفاجی بە میدیای رەسمی عێراقی وت"جێ پەنجەی رێكخراوی داعش بە
تەقینەوەكانی ئەمڕۆی گۆڕەپانی تەیارانەوە دیارە كە ئەو ماددانەی تێدا بەكارهێنراوە
كارئاسانی بكات بۆ كوشتنی زۆرترین كەس."
وتوشیەتی، ئەو
شێوازی تەقینەوەیەی ئەمڕۆ لەلایەن رێكخراوە تیرۆریستییەكانی وەك داعش و قاعیدەو
رێكخراوە تیرۆریستییەكانەوە بەكاردێت كە هەوڵدانە بۆ تۆماركردنی گەورەترین قوربانی.