راوێژكارێكی بارزانی: توركیا بەنیازی دروستكردنی بنكەیەكی سەربازییە لە شنگال
  2021-01-22       1454       

كیفاح مەحمود، راوێژكاری راگەیاندنی مەسعود بارزانی، سەرۆكی پارتی، رایگەیاند، توركیا بە نیازە بنكەیەكی سەربازی لە ناوچەی شنگال دروست بكات.

ئاوێنە: كیفاح مەحمود، راوێژكاری نوسینگەی راگەیاندنی مەسعود بارزانی، بە ئاژانسی سپوتنیكی روسی راگەیاند"ئەو زانیارییانەی كە لە ئیدارەی توركیاوە دزەیان كردوە، باس لەوە دەكەن كە ئەنقەرە بەنیازە بنكەیەكی سەربازی لە قەزای شنگال دروست بكات."

كیفاح مەحمود ئاماژەی بەوەداوە كە لەمیانی سەردانەكەی ئەم دواییەی وەزیری بەرگری توركیادا بۆ هەرێمی كوردستان جەخت لەسەر هاریكاریی نێوان هەرێمی كوردستان و توركیا كراوەتەوە و توركیاش بە پێویستی زانیوە پەیوەندییەكانی نێوان بەغداو هەولێر بە گفتوگۆ چارەسەربكرێن و هەروەها جەختیان لە گرنگی چارەسەركردنی كێشە ئەمنییەكان لە پەیوەست بە بونی پارتی كرێكارانی كوردستانەوە كردۆتەوە لە هەرێمی كوردستان و عێراق.

هێمای بۆ ئەوەش كردوە كە عێراق و هەرێم كاردەكەن لەسەر دۆسیەی پارتی كرێكارانی كوردستان بەتایبەت لە دوای رێككەوتنی شنگال و هەوڵی ئەوە دەدەن پەكەكە رازی بكەن لە خاكی عێراقەوە هیچ هێرشێك نەكاتە سەر توركیا یا ئەو ناوچانە چۆڵ بكات كە گەریلای لێیە.

راوێژكارەكەی مەسعود بارزانی جەختیشی كردۆتەوە كە "ئەمەش ئەو شتەیە هەر سێ لایەنی بەغداو هەولێرو ئەنقەرە كاری لەسەر دەكەن، ئەو شتەیە لە دیدارەكانی ئەم دواییەدا رون بۆتەوە."

بەگوێرەی نەخشەیەکى سەربازى کە ساڵى رابردو سەرۆكایەتی توركیا بڵاویکردۆەوە، ئەو وڵاتە 37 بنكەی سەربازی لە هەرێمی كوردستان هەیە.

توركیا لەماوەی ساڵانی رابردودا بەردەوام هەڕەشەی ئەوەی كردوە كە دەبێت پەكەكە لە شنگال دەربكرێت ئەگەر نا خۆیان بەو كارە هەڵدەستن.

ساڵی رابردوش حكومەتی عێراق و هەرێم رێككەوتنێكیان لەبارەی شنگالەوە ئیمزاكرد كە بەپێی رێككەوتنەكە ئەمنییەتی قەزای شنگال لەدەست سوپای عێراق و پۆلیسی فیدراڵی و دەزگای ئاسایشی عێراقدا دەبێت، تاوەكو ئێستا هەندێك هەنگاو بۆ جێبەجێكردنی رێككەوتنەكە نراون.

رێككەوتنەكە ناڕەزایەتی یەكینەكانی بەرخۆدانی شنگال(یەبەشە)ی نزیك لە پەكەكەی لێكەوتنەوە.

زۆرترین بینراو
سەعدی پیرە: یەكێتی هەڵوێستی لەبارەی بڕیارەكەی پارتی بۆ بەشداری نەكردن لە هەڵبژاردن دەبێت
شاسوار عەبدولواحید: پێشنیار بۆ پارتی و یەكێتی دەكەم ماوەیەك ئۆپۆزسیۆن بن
مه‌كته‌بی سیاسی پارتی: به‌شداری هه‌ڵبژاردنێک ناكه‌ین بە نایاسایی و نادەستوری بەڕێوەبچێت
شه‌ش خاڵ بۆ نه‌بونی متمانه‌ به‌ "هه‌ژماری من" ئاشكراده‌كرێت
مامۆستایانی ناڕازی بۆ دەسەڵاتدارانی زۆنی سەوز: هەژماری من رابگرن و راستەوخۆ لیستی موچە بنێرن بۆ بەغدا
وەزارەتی دەرەوەی ئەمریكا: نیگەرانین لە راگەیەندراوەكەی پارتی بۆ بایكۆتی هەڵبژاردن
وەزارەتی دارایی ھەرێم بڕیاری دا، جیاوازیی مووچە و دەرماڵە بۆ بەشێك لە فەرمانبەران خەرج بكرێتەوە
بەیاننامەی تیمی یەکێتی لە حکومەتی هەرێم سەبارەت بەمووچە
ئەدهەم بارزانی: كار لەسەر بەلاڕێدابردنی دۆخەكە دەكرێت بۆ ئەوەی هەڵبژاردن نەكرێت
هێمن هەورامی: بڕیارەكەی پارتی بۆ راستكردنەوەی ئەو هەڵەیەیە كە عێراقی لە فرە پێكهاتەوە بەرەو تاك پێكهاتە بردوە
© 2024 Awene Online, Inc. All Rights Reserved.
×