لەسنوری "غەڕ" و "قوری چای" و "بەلەگەی خوارو" لەنێوان قەزای کفری و خورماتو هێزەکانی پێشمەرگەو هەوپەیمانان ئۆپەراسیۆنێکیان ئەنجامداو دو چەکداری داعش بە بۆردومانی فڕۆکە کوژران.

ئاوێنە، ئەیاد محەمەد: سەرچاوەیەک لەهێزەکانی پێشمەرگە بە ئاوێنەی ڕاگەیاند"ماوەی سێ ڕۆژە هێزی کۆماندۆ، لەگەڵ هێزێکی فەرەنسی و ئیتالیدا، خەریکی گەڕان و پشکنین بەدوای چەکدارانی داعش لەسنورەکەد."

بەوتەی ئەوسەرچاوەیە"لەو گەڕانەدا هیچ شتێک دەست نەکەوتوە بەڵام دواتر لەلایەن فڕۆکەوە کە چاودێری دۆخەکەی دەکرد دو چەکداری داعش بە ماتۆڕسکیلەوە بۆردومان کراون و کوژراون."

سەرچاوەکەی ئاوێنە کە نەویست ناوی بهێنرێت وتیشی"ئەو چەکدارانەی کە لەسنورەکەدان، پێش دەستپێکردنی ئۆپەراسیۆنەکە کشاونەتەوە، سێ ئۆتۆمبێل و شەش ماتۆڕ بون لەسنوری قوریچایەوە پەڕیونەتەوە بۆ حەمرین لەڕێگای نێوان کفری و خورماتو".

ئەم ئۆپرسیۆنە دوای ئەوە دێت کە لە 12_1_2021 بەهۆی تەقینەوەی بۆمبێکی چێنراو پێیاندا لەگوندی بەلەگەی خوارو دو شوانکارە گیانیان لەدەست دا.