فواد حسێن، وەزیری دەرەوەی عێراق رایگەیاند، داوا لە ئیدارەی نوێی ئەمریكا
دەكەن بەردەوامی بە گفتوگۆی ستراتیژی نێوانیان بدرێت.
ئاوێنە: بەپێی راگەیەندراوێكی وەزارەتی دەرەوەی عێراق، ئەو قسانەی فواد
حسێن، ئەمڕۆ شەممە، لەمیانی وتەیەكیدا هاتون كە لە ناوەندی نەهرەین ب لێكۆڵینەوە
ستراتیژییەكان پێشكەشی كردوە.
وەزیری دەرەوەی عێراق وتویەتی، داوا لە ئیدارەی نوێی ئەمریكا دەكەن
بەردەوامی بە كۆبونەوەكانی گفتوگۆی ستراتیژی بدرێت و بۆ ئەو مەبەستە تیمی
دانوستانكاری نوێی خۆیان دیاری بكەن.
فواد حسێن ئاماژەی بەوەشداوە كە دەیانەوێت لەچوارچێوەی گفتوگۆی ستراتیژیدا
درێژە بە تاوتوێكردنی بابەتە ئەمنی و سەربازییەكانی پەیوەست بە بونی هێزەكانی
ئەمریكا لە عێراق، بدەن.