وەزارەتی دارایی و ئابوری حكومەتی هەرێمی كوردستان ئامادەكارییەكانی بۆ داڕشتنی پڕۆژە یاسای بودجەی 2021 بە كۆبونەوە لەگەڵ وەزارەتی سامانە سروشتییەكان دەستپێكردو دەشڵێت، بۆ یەكەمجار لە هەرێمی كوردستان داهات و خەرجی نەوت دەخرێتە ناو پڕۆژە یاساكە.
ئاوێنە:
وەزارەتی دارایی و ئابوری حكومەتی هەرێمی كوردستان، كەمێك لەمەوبەر، لە
راگەیەندراوێكدا وتی، پاڵپشت بە بڕیاری ئەنجومەنی وەزیرانی حكومەتی هەرێمی
كوردستان، بە مەبەستی ئامادەكردن و داڕشتنی پرۆژە یاسایی بودجەی 2021ی هەرێمی
كوردستان، لە چوارچێوەی پلانی وەزارەتی دارایی و ئابوری بۆ ئەم مەبەستە زنجیرەیەك
كۆبونەوە لەگەڵ سەرجەم وەزارەتەكان ئەنجام دەدات.
ئەوەشی خستۆتەڕو، دەستپێكی ئەم كۆبونەوانە یەكەم وەزارەت
لەگەڵ وەزارەتی سامانە سروشتیەكانی حكومەتی هەرێمی كوردستان، دەستی پێكردو سەرلەبەیانی ئەمرۆیەكشەممە 24/1/2021 لە دیوانی وەزارەتی
دارایی و ئابوری كۆبونەوەیەك بە سەرپەرشتی ئاوات جەناب نوری وەزیری دارایی و ئابوری
لەگەڵ وەزارەتی سامانە سروشتییەكان بەڕێوەچو.
بەپێی
راگەیەندراوەكە، بودجەی هەرێمی كوردستان بودجەیەكی گشتگیر دەبێت و سەرجەم وەزارەت
و دەستەكان داهات و خەرجیی و قەرزە گشتیەكان و كورتهێنان، لە چوارچێوەی پرۆژە یاسای
بودجە دەبێت.
وتوشیەتی"لەو
چوارچێوەیەشدا بۆ یەكەمجارە لە هەرێمی كوردستان داهات و خەرجی و (شایستە دارایی كۆمپانیاكانی
نەوت، خەرجی دەرهێنان و هەناردەكردن و فرۆشتنی نەوت)ی وەزارەتی سامانە سروشتییەكان
دەخرێتە ناو پرۆژە یاسایی بودجەی هەرێمی كوردستان بۆ ساڵی 2021."