پۆلیسی سلێمانی،
ئەمڕۆ دوشەممە، ئاشكرایكرد، هێزەكانیان تەقەكەرێكیان دەستگیركردوەو لەگەڵیشیدا
دەستیان گرتوە بەسەر ئەو دەمانچەیەی كە تەقەی پێكردبو لەگەڵ ئۆتۆمبێلەكەیدا.
ئاوێنە: بەڕێوەبەرایەتی پۆلیسی پارێزگای سلێمانی، كەمێك لەمەوبەر لە
راگەیەندراوێكدا وتی، مەفرەزەکانی
بنکەی پۆلیسی ڕزگاری تۆمەتبارێکیان دەستگیرکرد کە لەگەڕەکی چوارباخ تەقەی کردبو و
لەکاتی دەستگیرکردنیدا دەستیشگیرا بەسەر ئەو دەمانچەیەی کە تەقەی پێ کردبو لەگەڵ ئۆتۆمبێلەکەیدا.
ئەوەشی خستۆتەڕو، تۆمەتبارەکە ناوی (م. ع.)و لەدایکبووی
(١٩٩٠)یەو لەئێستادا بەبڕیاری دادوەری لێکۆڵینەوە ڕاگیراوەو لێکۆڵینەوە لەگەڵیدا بەردەوامە.