هێزە ئەمنییەكانی دیالە توانیان باندێكی مامەڵەكار بە مادە هۆشبەرەكانەوە دەستگیر بكەن، بڕێكی زۆر مادەی هۆشبەریان پێبووە.
ئاوێنه: عەمید نیهاد مەهداروی، وتەبێژی فەرماندەیی پۆلیسی دیالە ئەمڕۆ سێشەممە 2ی شوبات ڕایگەیاندووە، “لەلایەن پۆلیسی دیالەوە باندێکی گەورەی مامەڵەکردن بە مادە ھۆشبەرەکانەوە دەستگیرکرا”.
ئەوەشی خستوەتەڕوو، “ئەو باندە لە 10 كەس پێکھاتبوون و سەرجەمیان دەستگیركران، كە وەك تۆڕێکی فراوان كاریان دەكرد”.
وتەبێژەكەی پۆلیسی دیالە ئاماژەی بەوەشكردووە، بڕێك مادەی هۆشبەر بە باندەكە بووە لەكاتی دەستگیركردنەكەدا.