ئاژانسی هەواڵگری عێراق ئاشكرایدەكات، لەهەڵمەتێكی هێزەكانیان لەناو شاری بەغدا دا توانیویانە ژمارەیەك چەكداری داعش دەستگیر بكەن و لێكۆڵینەوەیان لەگەڵ بكەن.
ئاوێنه: بەپێی راگەیێندراوێكی ئاژانسی هەواڵگری و لێکۆڵینەوەی فیدراڵی وەزارەتی ناوخۆی عێراق، ئەمڕۆ یەكشەممە لە هەڵمەتێكی ئەمنیدا 13 چەكداری داعشیان لە چەند ناوچەیەكی جیاجیای شاری بەغدا دەستگیركرد، كە بەگوێرەی ماددەی 4ی یاسای تیرۆر داواکرابوون.
وەك لە راگەیێندراوەكەدا هاتووە: "لە کاتی لێكۆڵینەوەكان چەكدارە دەستگیركراوەكان دانیان بەوەداناوە كە لە كەرتەكانی كەركووك، نەینەوا، باكووری بەغدا و دیجلە كاریان كردووە و هێزە ئەمنییەكان و خەڵكی سڤیلیان كردووەتە ئامانج".
هەر بەپێی راگەیێندراوێکی ئاژانسەکە، بەڕێوەبەرایەتی بازگەکان و رێگاکانی دەرەوەی بەغدا، هێزەکانیان توانیویانە دوو چەکداری داعش لە دوو بازگە دەستگیر بکەن کە بەپێی مادە 4ی تیرۆر داواکرابوون.