ئەمڕۆ چوارشەممە، قوباد تاڵەبانی، جێگری سەرۆك وەزیرانی هەرێم لە‌گە‌ڵ باڵیۆزی
ئەمریكا لە عێراق كۆبوەو دواپێشھاتە‌كانی عێراق و كوردستانیان تاوتوێكردو
جەختیان لە گرنگی پاراستنی ئارامی عێراق و هەرێمی كوردستان كردۆتەوە.
ئاوێنە: بەپێی
راگەیەندراوێكی نوسینگەكەی، لە‌میانی سە‌ر‌دانە‌كە‌یدا بۆ بەغدا، پاشنیوە‌ڕۆی
ئەمڕۆ چوارشەممە، قوباد تاڵەبانی، جێگری سە‌رۆكی ئەنجومەنی وە‌زیران، لە‌گە‌ڵ
باڵیۆزی ئەمریكا لە عێراق ماتیۆ تولە‌ر كۆبوەوە.
لە‌كۆبونە‌وە‌كە‌دا، دواپێشھات و گۆڕانكارییە سیاسی و ئە‌منییە‌كان خرانە
بە‌رباس.
جێگری سە‌رۆكی ئەنجومەنی وە‌زیران باسی لە ڕێڕە‌وی گفتوگۆكانی وە‌فدی ھە‌رێم
كرد لەبارەی پڕۆژە یاسای بودجە‌ی٢٠٢١ی عێراق و كۆبونە‌وەو دیدارەکان لە‌گە‌ڵ لایە‌نە
پە‌یوە‌ندیدارە‌كان.
ھێرشە موشە‌كییە‌كە‌ی سەر شاری ھە‌ولێر بە‌شێكی تری گفتوگۆكان بو و هەردولا
جەختیان لە گرنگی پاراستنی ئارامی عێراق و كوردستان كردە‌وە.
لە‌تە‌وە‌رێكی تردا باس لە رە‌وشی سیاسی و دوا گۆڕانكارییە‌كانی ھە‌رێمی
كوردستان كرا.