2021-02-18   323     
وتەبێژی وەزارەتی بەرگری ئەمریكا" پینتاگۆن" دووپاتیكردوەتەوە كە لێكۆڵینەوەكانیان لەسەر هێرشەكەی سەر هەولێر دەستی پێكردوەو مافی وەڵامدانەوەیان هەیە.
ئاوێنە: وتەبێژی وەزارەتی بەرگری ئەمریكا" پینتاگۆن" لەكۆنگرەیەكی رۆژنامەوانیدا ئاشكرایكردوە:" لێكۆڵینەوە لە هێرشەكەی سەر هەولێر دەستی پێكردوەو ئەمریكاش ئامادەی خۆی دەربڕیوە بۆ ئەوەی رۆڵی یاریمەتیدەر بگێڕێت".
باسی لەوەشكردوە:" دەست بەكۆكردنەوەی زانیاری وردكراوە لەوبارەیەوە،و چاوەڕوانی ئەنجامی لێكۆڵینەوەكانین".
جەختیكردوەتەوە:" هێزەكانی ئەمریكا مافی ئەوەیان هەیە كە بەرگری لەخۆیان بكەن و لەكات و شوێنی پێویست و گونجاودا وەڵامیان هەبێت، كە ئەوەش بەهەماهەنگی لەگەڵ حكومەتی عیراق دەبێت".