مستەفا كازمی، سەرۆك وەزیرانی عێراق و وەفدی حكومەتی هەرێم بە سەرۆكایەتی قوباد تاڵەبانی، جێگری سەرۆك وەزیرانی هەرێم كۆبونەوەو پرسی بودجەو هێرشەی موشەكییەكەی سەر هەولێریان تاوتوێ كرد.
ئاوێنە: بەپێی بەیاننامەیەكی نوسینگەی راگەیاندنی سەرۆك وەزیرانی عێراق،
ئەمڕۆ پێنجشەممە، مستەفا كازمی پێشوازی كردوە لە وەفدی حكومەتی هەرێمی كوردستان بە
سەرۆكایەتی قوبا تاڵەبانی، جێگری سەرۆك وەزیرانی هەرێم و لە كۆبونەوەیەكدا باسیان
لە دۆخی سیاسی و ئەمنی و پرسە نیشتمانییەكان كردوە.
بەپێی بەیاننامەكە لە كۆبونەوەكەدا تاوتوێی هێرشە "تیرۆریستییەكەی"
سەر شاری هەولێر كراوەو باسیش لە یەكخستنی هەوڵە ئەمنی و هەواڵگرییەكان كراوە لەگەڵ
حكومەتی هەرێم.
هەروەك لە كۆبونەوەكەدا تاوتوێی ئەو دۆسیانەش كراوە كە پەیوەندییان بە
بودجەی عیراقەوە هەیەو بەشێوەیەك گەرەنتی دابەشكردنێكی عادیلانەی سەروەرت و سامان
بەسەر هاوڵاتیانی عێراقدا بەبێ جیاوازی زامن بكات و هەروەها هاوتای بێت لەگەڵ
دەستورو بنەماكانیدا.