وەزیرانی
دەرەوەی ئەمریكا، بەریتانیا، فەرەنساو ئەڵمانیا ئیدانەی هێرشە موشەكییەی شەوی 15ی
ئەم مانگە بۆ سەر هەولێر دەكەن و دەڵێن: ئەو جۆرە هێرشانە قبوڵكراو نین.
ئاوێنە:
وەزیرانی دەرەوەی ئەمریكا و ئەو سێ وڵاتە ئەوروپییە پاش كۆبونەوەیەكی نێوانیان لە
بەیاننامەیەكی هاوبەشدا ئیدانەكردنی هێرشە موشەكییەكەی سەر هەولێریان دوپاتكردەوەو
سەرەخۆشییان لە كەسوكاری قوربانیانی هێرشەكە كرد.
بەیاننامەكە جەختی
كردۆتەوە كە هێرش بۆ سەر خەڵك و پێگەكانی ئەمریكاو هاوپەیمانی نێودەوڵەتی و ناتۆ
قبوڵ ناكەن.
هەروەك لە
بەشێكی دیكەی بەیاننامەكەدا پشتیوانی خۆیان بۆ حكومەتی عێراق دوپاتكردۆتەوەو
جەختیشیان لە بەردەوامی پشتیوانییەكانیان بۆ لێدان لە هەڕەشەكانی داعش لە عیراق و
سوریا كردۆتەوە.