هۆشیار عەبدوڵا، ئەندامی لیژنەی دارایی لە پەرلەمانی عێراق ئاشكرایكرد، لەگەڵ ئەو لیژنەیەی لەلایەن كوتلە شیعییەكانەوە راسپێردراون بۆ یەكلاكردنەوەی دەقی بەدیل سەبارە بە پشكنی هەرێم بەردەوام لەسەر خەتن و بەرەوپێشچونی باش هەیە بە ئاڕاستەی ئەوەی هەفتەی داهاتو پشكی هەرێم لە بودجەدا یەكلاببێتەوە.
ئاوێنە: هۆشیار عەبدوڵا، ئێوارەی ئەمڕۆ هەینی، لە راگەیەندراوێكدا وتی"لەگەڵ ئەو لیژنەیەی لە لایەن کوتلە شیعیەکانەوە راسپێردراون بۆ یەکلاکردنەوەی دەقی بەدیل سەبارەت بە پشکی هەرێم بەردەوام لەسەر خەتین، دوێنێ سەرۆکی کۆماریان بینیوە، بە گوێرەی ئەو دیدارە بەرەوپێشچونێکی باش هەیە بە ئاڕاستەی ئەوەی هەفتەی داهاتو گرێی پشکی هەرێم لە موازەنەدا یەکلاببێتەوە و هەردو لا لەسەری کۆکبین و دەنگی لەسەر بدرێ."
ئاشكراشكیردوە"ماددەیەک کە وەک هاوپەیمانی هیوا جێگیرمانکردوە لە قانونی موازەنەدا ئەوەیە ک هەر پارەیەک بۆ هەرێم بێت، دەبێ ئەولەویەتی یەکەم بۆ موچە بێت پێش هەر بوارێکی تر، بۆ مێژو دەیڵێم لە هەمو ئەو ماددانەی کە لەبەرژەوەندی موچەخۆران و بوارەکانی تر جێگیرمان کردوە نوینەرەکەی یەکێتی هاوکار و پشتیوانمان بوە."
هەروەها ئەوەشی خستۆتەڕو"دواکەوتنی موازەنە تەنها یەکێک لە هۆکارەکان پشکی هەرێمە، هۆکاری سەرەکی ئەوەیە بەشێک لە کوتلە شیعیەکان دەیانەوێ بە موازەنە قۆڵی کازمیی بابدەن و نایانەوێ ئاسان و خێرا ئەو پاسە بدەنە حکومەتەکەی."