هاتوچۆی هەولێر: سبەی شەقامی 150 مەتری بەڕوی شۆفێراندا دەكرێتەوە
  2021-02-27       466       

بەڕێوەبەرایەتی هاتوچۆی هەولێر رایگەیاند، سبەی یەكشەممە بەشی یەكەمی شەقامی 150 مەتری شارەكە بەڕوی شۆفێراندا دەكرێتەوە بۆ هاتوچۆكردن.

ئاوێنە: بەپێی راگەیەندراوێكی بەڕێوەبەرایەتییەكە، شەقامەكە لە سەعات 8ی سەرلەبەیانییەوە بەشی یەكەمی شەقامی 150 مەتری بەڕوی شوفێراندا دەکرێتەوە بۆهاتووچۆ کردن.

ئەوەش دوای ئەوە دێت كە رۆژی پێنجشەممەی رابردو ئەو بەشەی شەقامەكە بەشێوەیەكی رەسمی لەلایەن سەرۆكی حكومەتی هەرێمی كوردستانەوە كرایەوە.

هاتوچۆی هەولێر داوای لە شۆفێران كردوە كە بەپێی یاساو رێنماییەکانی هاتوچۆ شەقامەكە بەکاربێنن و بەو خێراییەش لێخوڕینی تیادا بکەن کە دیاری کراوە بەهێماکان.

هەروەها شۆفێرانی لەوەش ئاگاداركردۆتەوە كە بۆ لاینی چەپ خێرایی 110 کم و هەردو لاینی ناوەندیش خێرایی 100کم و لاینی لای ڕاستیش 80 کم دەبێت و دەشبێت بارهەڵگرەکان تەنها لەم لاینە لێبخوڕن و ئەوەشی خستۆتەڕو كە بەدرێژایی ڕێگاکەش لاینی خزمەت هەیە لەلای ڕاست کە شۆفێران دەتوانن بۆ حاڵەتی لەناکاو و بۆ وەستان بەکاری بێنن.


زۆرترین بینراو
© 2021 Awene Online, Inc. All Rights Reserved.
×