مونا قەهوەچی: سبەی كاندیدی نوێی پارتی لە شوێنی ئومێد خۆشناو سوێندی یاسایی دەخوات
  2021-02-28       485       

مونا قەهوەرچی، سکرتێری پەرلەمانی کوردستان رایگەیاند، سبەی دوشەممە، یەكەم كۆبونەوەی وەرزی نوێی یاسادانان بەڕێوەدەچێت و بەرنامەی کاری کۆبونەوەكەی پەرلەمانیش لە پێنج خاڵ پێکھاتوە، یەکێک لەوانە کاندیدێکی نوێی پارتی دیموکراتی کوردستان لە شوێنی ئومێد خۆشناو، سوێندی یاسایی دەخوات.

ئاوێنە: مونا قەهوەچی، سکرتێری پەرلەمانی کوردستان، بە ماڵپەڕی رەسمی پارتی وت "سبەی کۆبونەوەی کردنەوەی وەرزی بەھاری ساڵی سێیەمی خولی پێنجەمی پەرلەمانی کوردستانە کە لە پێنج بڕگە پێکھاتوە، یەکەمیان دەقیقەیەک وەستانە بۆ ڕێزلێنان لە گیانی پاکی شەھیدان و، دواتر وتاری سەرۆکی پەرلەمان و سەرۆکفراکسیۆنەکان دەبێت."

مونا قەھوەچی وتیشی"ھەر لە کۆبونەوەی سبەینێدا، ھەڵکەوت ئەنوەر خەلیفە لە شوێنی ئومێد خۆشاو، بەپێی ماددەی ٢٧ لە پەیڕەوی ناوخۆی پەرلەمانی کوردستان سوێندی یاسایی دەخوات و دەبێتە پەرلەمانتار لە فراکسیۆنی پارتی دیموکراتی کوردستان."

ئەوەش دوای ئەوە دێت كە لەماوەی رابردودا، ئومێد خۆشناو، سەرۆكی پێشوی فراكسیۆنی پارتی و پەرلەمانتاری ئەو حزبە دەستی لەكاركێشایەوەو وەك پارێزگاری نوێی هەولێر دەستبەكاربو.


زۆرترین بینراو
© 2021 Awene Online, Inc. All Rights Reserved.
×