ئێران پێشنیازی كۆبوونەوەی لەگەڵ ئەمەریكا ڕەتكردەوە
  2021-03-01       479       

لەسەر پێشنیازی یەکێتیی ئەوروپا ئێران كۆبوونەوەی نافەرمی لەگەڵ ئەمریکا رەتدەکاتەوە، ئەمریکاش دەڵێت،"وەڵامەکەی ئێران بۆ ئەو پێشنیازە بێ هیوای کردووین."

ئاوێنە: وتەبێژێکی کۆشپی سپی رایگەیاند: "هەرچەندە وەڵامەکەی ئێران بێ هیوای کردووین، بەڵام لەپێناو بەدەستهێنانی گەڕانەوەیەکی هاوبەش بۆ نێو رێککەوتنی ئەتۆمی، ئامادەین هەنگاوی دیپلۆماسی بەرهەمدار بنێین."

ئەو گوتەبێژەی کۆشکی سپی دەڵێت واشنتن لەگەڵ هاوبەشەکانی و چوار ئەندامە هەمیشەییەکەی ئەنجوومەنی ئاسایشی نەتەوەیەکگرتووەکان کە پێکدێن لە چین، فەرەنسا، رووسیا و بەریتانیا، هەروەها ئەڵمانیا، گفتوگۆدەکاتەوە بۆ ئەوەی باشترین هەنگاوبنێن.

ئێران سوورە لەسەر ئەوەی، کە دەبێت ئەمریکا هەموو سزاکانی سەر ئێران لابدات، کە ئیدارەی ترەمپ بەسەر تاران سەپاندوونی، ئینجا پابەند دەبێت بە مادە و بڕگەکانی رێککەوتنی ئەتۆمی.

رۆژی چوارشەممە، هایکۆ ماس، وەزیری دەرەوەی ئەڵمانیا داوای لە ئێران کرد پێشنیازی کۆبوونەوەکە قبوڵبکات، ئێران جیا لەوەی پێشنیازەکە رەتدەکاتەوە، بەردەوامیشە لە پەرەپێدانی بەرنامەی ئەتۆمییەکەی.
زۆرترین بینراو
© 2024 Awene Online, Inc. All Rights Reserved.
×