پۆلیسی سلێمانی: ئەو تۆمەتبارەی هێرشیكردە سەر دكتۆر غالب بۆ شوێنێكی نادیار هەڵاتوە
  2021-03-01       866       

پۆلیسی سلێمانی رایگەیاند، ئەو تۆمەتبارەی هێرشیكردە سەر پەرلەمانتار غالب محەمەد ناسراوەتەوەو ماڵەكەی پشكێنراوە، بەڵام بۆ شوێنێكی نادیار هەڵاتوەو هێزە ئەمنییەكان بۆ دەستگیركردنی بەردەوامن لەهەوڵەكانیان.

ئاوێنە: نەقیب سەركەوت ئەحمەد، وتەبێژی بەڕێوەبەرایەتی پۆلیسی سلێمانی لەبارەی لێكۆڵینەوەكانی پۆلیس بۆ دەستگیركردنی ئەو تۆمەتبارەی هێرشیكردە سەر پەرلەمانتار غالب محەمەد بە ماڵپەڕی رەسمی یەكێتی راگەیاند: لەكاتی روداوەكەدا دەستبەجێ هێزەكانی پۆلیس كەشف و هێڵكاری شوێنی روداوەكەیان كردوەو دادوەریش فەرمانی دەستگیركردنی بۆ تۆمەتبارەكە دەركردوە.

وتیشی: پۆلیسی سلێمانی بەردەوامە لەبەدواداچونەكانی بۆ دەستگیركردنی تۆمەتباری روداوەكە كە ناسراوەتەوە، دوای روداوەكەش ماڵی تۆمەتبار پشكێنراوەو لێكۆڵینەوەی تەواوەتی لەبارەیەوە كراوە.

وتەبێژی پۆلیسی سلێمانی ئەوەشی راگەیاند: تۆمەتبارەكە بۆ شوێنێكی نادیار هەڵاتوە، بەڵام هێزەكانی پۆلیس بەردەوامن لەگەڕان بەدوایداو لەهەر شوێنێك جا لەناو شاری سلێمانی بێت یان بۆ دەرەوەی شار هەڵاتبێت لەڕێگەی پۆلیس و هێزە ئەمنییەكانی ترەوە دەستگیردەكرێت.

زۆرترین بینراو
© 2021 Awene Online, Inc. All Rights Reserved.
×