لە ھەولێر بە پاساوی کارنەکردنی كامێراكانی چاودێری دۆسێی هێرشكردنە سەر چالاكوانێك راگیرا
  2021-03-02       877       
بە پاساوی ئەوەی "كامێراكانی چاودێری ئیشیان نەكردووە"، دۆسێی هێرشكردنە سەر چالاكوانێك لە هەولێر راگیرا.

ئاوێنە: ئەمڕۆ هاوڕێ كوردی، ئەو چالاكوانەی كە مانگی یەكی ئەمساڵ لە هەولێر هێرشی كرایە سەر و بە سەختی بریندار كرا، لە لێدوانێكی بۆ رۆژنامەنووسان رایگەیاند دۆسێكەی راگیراوە.

روونیشیكردەوە كە هێزە ئەمنییەكان پێیان راگەیاندووە ئەو كامێرای چاودێرییان لە نزیك شوێنی رووداوەكە بوون، "بەشێكیان ئیشیان نەكردووە و بەشێكیشی دیكەشیان میمۆری لەسەر نەبووە".

وتیشی: "ئەنجامی لێكۆڵینەوەكان جێی گومان و پرسیارن بە تایبەتیش بابەتی كامێراكانی چاودێری".

پارێزەری چالاکوانەکەش بە گومان و سەرسوڕمانەوە دەربارەی راستیی کارنەکردنی کامێرەکان وتی: ئەی ئەو کامێرایانە بۆچی دانراون؟!".
زۆرترین بینراو
© 2021 Awene Online, Inc. All Rights Reserved.
×